嘆世界

一日酒酣，有人問乜係嘆世界？識唔識嘆世界？有冇嘆過世界？當時唔經大腦就答：知！識！嘆過世界。翌日酒醒想下，咦！唔係咁簡單喎。這三個字定義是否真正明白，識唔識，自已也覺得有點糊塗。工餘整支大啤，一包南乳肉，攤在搖椅上，或沖杯靚茶，食件杏仁餅，聽支粵曲，又或者去旅行，咁係唔係嘆世界呢？常見一斑外籍人，工餘在草地或車房，一箱啤酒，一袋薯片，談論一些膚淺幼稚問題，嘻嘻哈哈幾粒鐘，他們是否在嘆世界？俊男美女，燭光晚餐諸如此類，到底乜叫嘆世界？識唔識嘆世界？自已幾十年來有冇嘆過世界？真係有點糊塗。 -- Hawaiian